შატილში ავტოსაგზაო შემთხვევის შედეგად დაშავებული სამივე პაციენტი ხელოვნური სუნთქვის აპარატიდან მოიხსნა და მათი მდგომარეობა სტაბილურია
თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის კლინიკური დირექტორის ლალი ტურძელაძის განცხადებით, შატილის გზაზე ავტოსაგზაო შემთხვევის შედეგად დაშავებული სამივე პაციენტი ხელოვნური სუნთვის აპარატიდან მოხსნილია.
როგორც „ინტერპრესნიუსს“ ლალი ტურძელაძემ განუცხადა, ავტოსაგზაო შემთხვევის შედეგად დაშავებულების ჯანმრთელობის მდგომარეობა სტაბილურია.
„შატილში ავტოსაგზაო შემთხვევის შედეგად დაშავებულები ხელოვნურ სუნთქვაზე აღარ არიან. ჩვეულებრივ სპონტანურ სუნთქვაზე არიან. მათი მდგომარეობა სტაბილურია, კონტაქტურები და ადეკვატურები არიან“, - განაცხადა ლალი ტურძელაძემ.
შეგახსენებთ, 23 აგვისტოს, დუშეთის მუნიციპალიტეტში, შატილის გზაზე მიკროავტობუსი 80 მეტრის სიმაღლიდან გადავარდა.
შემთხვევის შედეგად, 17 ადამიანი გარდაიცვალა, 3 კი დაშავდა.
This is a modal window.
v-if="article.gallery" v-html="article.gallery"
