ოზურგეთის მუნიციპალიტეტში კორონავირუსის კიდევ ერთი ახალი შემთხვევა გამოვლინდა. კოვიდ 19 შუახნის ქალს დაუდგინდა. დაავადებათა კონტროლის ეროვნული ცენტრის გურიის ოფისის ხელმძღვანელის არჩილ მჟავიას ინფორმაციით, ინფიცირებული სოფელ ბახვიდანაა და ე.წ. ბათუმის ქორწილის კლასტერს წარმოადგენს.

„ამჟამად მიმდინარეობს ქალის კონტაქტების მოძიება. ყველა პირი გადაყვანილი იქნება თვითიზოლაციაში. გურიაში ვითარება კონტროლირებადია და პანიკის საფუძველი არ არსებობს",- განაცხადა არჩილ მჟავიამ.