შალვა კერესელიძე - დუშეთი გახდება ერთ-ერთი წარმატებული ქალაქი იმ ქალაქებს შორის, რომელიც საქართველოს რეგიონებში გვაქვს

დუშეთი გახდება ერთ-ერთი წარმატებული ქალაქი იმ ქალაქებს შორის, რომელიც საქართველოს რეგიონებში გვაქვს,- განაცხადა „ქართული ოცნება-დემოკრატიული საქართველოს“ მცხეთის, დუშეთის, თიანეთისა და ყაზბეგის მაჟორიტარი დეპუტატობის კანდიდატმა შალვა კერესელიძემ დუშეთში წარდგენისას.

“დიდი პატივია იყო მცხეთა-მთიანეთის რეგიონში „ქართული ოცნების“ მაჟორიტარი დეპუტატობის კანდიდატი. უკვე ორი წელია, ერთად ვმუშაობთ და ალბათ დამეთანხმებით, დუშეთში ძალიან ბევრი რამის გაკეთება შევძელით. ძალიან ბევრი, კარგი და წარმატებული საქმეები და პროექტები განხორციელდა 2012 წლიდან დღემდე. საქართველოს მთავრობისა და „ქართული ოცნების“ მხრიდან რეგიონების მიმართ განსაკუთრებული ყურადღება მაღალმთიანი რეგიონების მხარდაჭერაა. საქართველოს პრემიერ- მინისტრმა ზუსტად აღნიშნა, რომ არ უნდა იყოს განსხვავება, ადამიანი დუშეთში ცხოვრობს, მთაში თუ თბილისში. ყველას უნდა ჰქონდეს შექმნილი შესაბამისი პირობები და გარემო. სწორედ ეს დავისახეთ მიზნად და განსაკუთრებული ყურადღება მაღალმთიან რეგიონებში განათლების კუთხით გავამახვილეთ - რეაბილიტაცია ჩავუტარეთ პანსიონებს, ვაშენებთ ახალ სკოლებს. სწორედ ეს იყო მიზანი, როდესაც შარშან ჩვენ პრაქტიკულად ხუთი თვეში ორი ახალი მცირე ჰიდროელექტროსადგური ავაშენეთ. სწორედ ეს იყო მიზანი, როდესაც ჩვენ შევძელით მაღალმთიან რეგიონებში ინტერნეტიზაციის პროექტის განხორციელება, საგზაო ინფრასტრუქტურის მოწესრიგება, ტურისტული ინფრასტრუქტურის განვითარება და ხელშეწყობა”, - განაცხადა კერესელიძემ.

მისივე თქმით, საქართველოს მთავრობა, „ქართული ოცნება“ მაღალმთიანი ხეობებისა და სოფლების ძალიან დიდი ქომაგი და მხარდამჭერია.

„ჩვენ ძალიან ბევრ წარმატებულ პროექტს განვახორციელებთ. რა თქმა უნდა, არც ბარი დაგვრჩა და დაგვრჩება უყურადღებოდ, აქაც იგივე მიდგომებია - განათლების სისტემის სრულყოფა, ინფრასტრუქტურის მოწესრიგება, გაუმჯობესება, ტურიზმის ხელშეწყობა, სოფლის მეურნეობის განვითარება სხვადასხვა სახელმწიფო მიზნობრივი პროექტის და პროგრამების განხორციელებით. ეს იქნება ჩვენი ერთ-ერთი მთავარი მიზანი და ამოცანა. რაც შეეხება ქალაქ დუშეთს, ეს არის ქალაქი, სადაც მე დავიბადე და გავიზარდე. ჩემთვის ყველაზე ძვირფასი, ყველაზე ღირებული, პირველი მეგობრობა, პირველი ურთიერთობა, პირველი განათლება, ყველაფერი დუშეთს უკავშირდება. ვინც დუშეთიდან ბრძანდებით ყველას კარგად მოგეხსენებათ და მიცნობთ რაოდენ დიდი პატივისცემა, სიყვარული და განსაკუთრებული მოკრძალება გამაჩნია თითოეული დუშელის და დუშეთის მიმართ. ამიტომ, მე დარწმუნებული ვარ, რომ ძალიან მალე ქალაქი დუშეთი გახდება ერთ-ერთი წარმატებული ქალაქი იმ ქალაქებს შორის, რომელიც საქართველოს რეგიონებში გვაქვს, თავისი განათლების ინფრასტრუქტურით, სპორტული ინფრასტრუქტურით, ტურიზმის ძალიან დიდი ფუნქციით და შესაძლებლობებით. მჯერა, რომ დუშეთის მუნიციპალიტეტში მცხოვრები ჩვენი ძმები, მეგობრები, ამომრჩევლები ღირსეულ გადაწყვეტილებას მიიღებენ და მხარს დაუჭერენ ქვეყნის განვითარებას, სახელმწიფოს წინსვლას, „ ქართულ ოცნებას“ და ჩვენ განსაკუთრებულ შედეგს დავდებთ 31 ოქტომბერს და გავიმარჯვებთ ყველა ერთად, საქართველოს წარმატებისთვის”, - განაცხადა შალვა კერესელიძემ.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება