რუსთავის ცენტრალური საავადმყოფოს „ცხელების ცენტრში“, კორონავირუსით ინფიცირების ერთი შემთხვევა დაფიქსირდა.

როგორც "ინტერპრესნიუსს" რუსთავის საზოგადოებრივი ჯანმრთელობის დაცვისა და უსაფრთხო გარემოს უზრუნველყოფის ცენტრში განუცხადეს, პაციენტმა ვირუსისთვის დამახასიათებელი სიმპტომებით მიმართა „ცხელების ცენტრს“ და „პისიარ“ ტესტირების შედეგად, მას "კოვიდ19" დაუდასტურდა. რუსთავის საზოგადოებრივი ჯანმრთელობისა და უსაფრთხო გარემოს უზრუნველყოფის ცენტრის ხელმძღვანელის დავით ბეგაშვილის განცხადებით, მიმდინარეობს ახალი დადასტურებული შემთხვევის ინფიცირების წყაროსა და კონტაქტების დადგენის მიზნით ეპიდკვლევა.

მისივე თქმით, რუსთავში მეორე დღეა აჭარაში მოგზაურობის ისტორიის მქონე პედაგოგების „პისიარ“ ტესტირება უტარდებათ, ასეთი სულ 82-ია.

რუსთავში 29 აგვისტოდან, დღემდეკოვიდინფიცირების 31 დადასტურებულიშემთხვევადაფიქსირდა.