აჭარის ჯანდაცვის სამინისტროს ინფორმაციით, ბათუმის 5 პოლიკლინიკასა და კარვებში PCR ტესტირება მიმდინარეობს

აჭარის ჯანდაცვის სამინისტროა ინფორმაციით, აქტიური PCR ტესტირება ბათუმის 5 პოლიკლინიკაში ხორციელდება. როგორც უწყებაში აცხადებენ, PCR ტესტირებისთვის კარვები ქალაქის ორ ლოკაციაზე არის გაშლილი, სადაც მოქალაქეებს შეუძლიათ, რომ უფასო ტესტი ჩაიტარონ.

აჭარის ჯანდაცვის უწყება აქვეყნებს იმ მისამართებს, სადაც ტესტირების ჩატარება არის შესაძლებელი. ქ. ბათუმის N1 პოლიკლინიკა, მის: ტბელ აბუსერიძის ქ. N2; საოჯახო მედიცინის რეგიონული ცენტრი, მის: ბარათაშვილის ქ.N30; ევექსის ამბულატორია, მის: სელიმ ხიმშიაშვილის ქ. N20; N4 პოლიკლინიკა, მის: ტაბიძის ქ. N7; თამარის დასახლების საოჯახო მედიცინის რეგიონული ცენტრი, მის: ტბეთის ქ.N4.

უწყების ინფორმაცით, მოქალაქეებს შეუძლიათ ზემოაღნიშნულ კლინიკებს 10:00 – 17:00 საათამდე მიმართონ.

PCR ტესტირებისთვის კარვები გაშილილია ქ. ბათუმში ორ ლოკაციაზე, ე.წ. ხოფის ბაზრობისა და ავტოსადგურის მიმდებარე ტერიტორიაზე, ასევე ქობულეთის მუნიციპალიტეტში - მერიის შენობის მიმდებარედ.

აჭარაში კორონავირუსით გამოწვეული ინფექციის მართვაში ბათუმის რესპუბლიკურ საავადმყოფოსთან ერთად ჩაერთო კლინიკა "მედალფა" და ინფექციური საავადმყოფო, რომელთაც გუშინ უკვე მიიღეს კოვიდინფიცირებული პაციენტები. ამ ეტაპზე მიმდინარეობს კიდევ 300-მდე საწოლის მობილიზება.

"რეგიონში არის საკმარისი მატერიალურ-ტექნიკური და ადამიანური რესურსი, ინფიცირებული პაციენტების სამედიცინო დაწესებულებებში განსათავსებლად. ყველა კოვიდინფიცირებული პაციენტი, რომელსაც ექნება სტაციონარში განთავსების საჭიროება, მიიღებს შესაბამის სრულყოფილ სერვისს.

18-65 წლამდე პაციენტები, რომელთა დაავადებაც უსიმპტომოდ მიმდინარეობს, გადაყვანილ იქნებიან შესაბამის საკარანტინო სივრცეში მედპერსონალის მუდმივი კონტროლის ქვეშ",- აცხადებენ აჭარის ჯანდაცვის სამინისტროში

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა