აშშ-ში ტყის ხანძრების შედეგად, დაღუპულთა რაოდენობა კიდევ გაიზარდა, - ამის შესახებ ინფორმაციას CNN-ი ავრცელებს.
გამოცემის ცნობით, აშშ-ის დასავლეთ სანაპიროზე მდებარე შტატებში გაჩენილ ხანძრებს აგვისტოს შუა რიცხვებიდან 28 ადამიანი ემსხვერპლა.
მათგან 19 ადამიანი კალიფორნიის შტატში დაიღუპა და 8 - ორეგონში, მათ შორის მოზარდი ბიჭი. ვაშინგტონის შტატში ცეცხლს 1 წლის ბავშვი ემსხვერპლა. ვრცელდება ინფორმაცია კიდევ ერთი გარდაცვლილი ბავშვის შესახებ. გარდა ამისა, დაკარგულად ითვლება ათობით ადამიანი, ათასობით მაცხოვრებელი კი იძულებული გახდა გაქცეულიყო.
ჰაერის ხარისხის მონიტორინგის სამსახურის მონაცემებით, კალიფორნიის, აიდაჰოს, ორეგონისა და ვაშინგტონის შტატების უმეტეს ნაწილში კვამლის გამო ჰაერი შესაძლოა ჯანმრთელობისთვის საზიანო იყოს.