თეთრიწყაროს სასმელი და სარწყავი წლით მომარაგების მიზნით პროექტები ხორციელდება

თეთრიწყაროს მუნიციპალიტეტის მოსახლეობის წყალმომარაგებით უზრუნველყოფის მიზნით, სოფელ ჯორჯიაშვილსა და ბოგვში პროექტი ხორციელდება, მიმდინარე მასშტაბური სამუშაოების შედეგად, ორი სოფლის 1500-მდე მცხოვრები 24 - საათიანი წყალმომარაგებით ისარგებლებს. ამის შესახებ ,,ინტერპრესნიუსს“ ქვემო ქართლის სამხარეო ადმინისტრაციიდან აცნობეს.

სამუშაოები რეგიონებში განსახორციელებელი პროექტების ფონდიდან დაფინანსდა და მისი ღირებულება 2 466 323 ლარს შეადგენს, პროექტის ფარგლებში უკვე მოეწყო ცენტრალური მაგისტრალი და შიდა ქსელები, ასევე დამონტაჟდა მრიცხველები, ამ ეტაპზე მიმდინარეობს წყლის დრენაჟის, საქაჩი საქლორატორო ნაგებობების და რეზერვუარის სამშენებლო სამუშაოები.

თეთრიწყააროს მუნიციპალიტეტში სამუშაოების მიმდინარეობას, ქვემო ქართლში სახელმწიფო რწმუნებული შოთა რეხვიაშვილი, მოადგილესთან და ადგილობრივი თვითმმართველობის ხელმძღვანელ პირებთან ერთად გაეცნო.

„ჩვენ ახლა ჯორჯიაშვილი-ბოგვის მასშტაბური პროექტის მიმდინარეობას ვადევნებთ თვალს, ეს არის 2 მილიონ ნახევარი ლარის ღირებულების ინფრასტრუქტურული პროექტი, რომელიც ითვალისწინებს სატუმბი სადგურების, საქლორატოროს და რეზერვუარების აშენებას. ეს 1500 ბენეფიციარზე გათვლილი პროექტია და ოქტომბრის ბოლოს მოსახლეობა ხარისხიან სასმელ წყალს 24 საათის განმავლობაში მიიღებს, რაც ძალიან მნიშვნელოვანი წინ გადადგმული ნაბიჯია სოფლისთვის“, - განაცხადა შოთა რეხვიაშვილმა.

მათივე ინფორმაციით, მასშტაბური სამუშაოები მიმდინარეობს ასევე სასოფლო-სამეურნეო მიწის ფართობებზე სარწყავი წყლის მიწოდების გასაუმჯობესებლად. საქართველოს სამელიორაციო კომპანია შესაბამისი ინფრასტრუქტურის მოწესრიგების მიზნით, ალგეთის წყალსაცავის სარეაბილიტაციო სამუშაოებს ახორციელებს.1 მილიონ ლარამდე ღირებულების პროექტი, წყლის დონის საზომი სისტემების, მეტეოროლოგიური სადგურის, ნაგავდამჭერის მოწყობას ასევე, ქვედა ბიეფში წყალსატარის სარქველების რემონტს, საცემენტაციო გვირაბის გაწმენდასა და დაშრობას ითვალისწინებს.

ცნობისთვის, 2020 წელს მთელი ქვეყნის მასშტაბით კლიმატის ცვლილების შედეგად, მნიშვნელოვნად შემცირდა წყლის დებეტი, რის გამოც მოსახლეობას სარწყავი წყალი სპეციალურად შედგენილი გრაფიკით მიეწოდებოდა. ზემოთ აღნიშნული სამუშაოების შედეგად კი, ქვემო ქართლში ათასობით ჰექტარ სასოფლო-სამეურნეო მიწის ფართობზე სარწყავი წყლის მიწოდება მნიშვნელოვნად გაუმჯობესდება.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე