ინდოეთში, ბოლო 24 საათში, კორონავირუსის 94 372 ახალი შემთხვევა დადასტურდა და ინფიცირებულთა საერთო რაოდენობამ 4.7 მილიონს გადააჭარბა - შესაბამის მონაცემებს ქვეყნის ჯანდაცვის სამინისტრო ავრცელებს.

გარდა ამისა, ბოლო დღე-ღამეში, ქვეყანაში კიდევ 1 114 ადამიანი დაიღუპა და გარდაცვლილთა რიცხვი 78 586-მდე გაიზარდა.

ყველაზე მეტი ინფიცირებული მაჰარაშტრას შტატშია, სადაც დადასტურებული შემთხვევების რაოდენობა 1 მილიონს აჭარბებს.

შტატის ხელმძღვანელობამ მოქალაქეებს პირბადეების ტარებისა და დისტანციის დაცვისკენ მოუწოდა. ქვეყნის ხელისუფლება შემთხვევების ზრდას ბიზნესობიექტების თანდათანობით გახსნას უკავშირებს.

ცნობისათვის, კოვიდინფიცირებულების რაოდენობით ინდოეთი მსოფლიოში მხოლოდ აშშ-ს ჩამორჩება.