„დასავლეთ საქართველოს სამედიცინო ცენტრი“ - არცერთ თანამშრომელში PCR ტესტირებით COVID19 არ გამოვლინდა

“დასავლეთ საქართველოს სამედიცინო ცენტრის“ მიერ ჩატარებული PCR ტესტის პასუხები 270 თანამშრომელსა და პაციენტში უარყოფითია. ამის შესახებ „ინტერპრესნიუსს“ დასავლეთ საქართველოს სამედიცინო ცენტრიდან აცნობეს.

მათი ინფორმაციით, 2 დღის წინ დასავლეთ საქართველოს სამედიცინო ცენტრის ერთ-ერთ ექიმს COVID 19-ზე გეგმური შემოწმების დროს კორონავირუსი დაუდასტურდა. როგორც ცენტრში აღნიშნავენ, ჰოსპიტალში დანერგილი სამედიცინო პერსონალის ზედამხედველობის სისტემის მეშვეობით, შემთხვევის იდენტიფიცირება კლინიკური ნიშნების გამოვლენამდე მოხდა.

„ჰოსპიტალმა მყისიერად მიიღო პრევენციული ზომები. დაინფიცირებულ ექიმთან ახლო კონტაქტში მყოფი 16 პირი თვითიზოლაციაში გადავიდა. კლინიკის ადმინისტრაციის გადაწყვეტილებით, PCR ტესტი 270 მედპერსონალს და პაციენტს ჩაუტარდა. აღნიშნული მასშტაბური PCR ტესტირების ჩატარება ქვეყანაში მომატებული შემთხვევების გამო და რისკების მინიმუმამდე დაყვანის მიზნით გაკეთდა, რაც ჰოსპიტლის მაღალ სამედიცინო სტანდარტსა და უსაფრთხოების განსაკუთრებული ზომების დაცვაზე მეტყველებს“,-აღნიშნულია ინფორმაციაში.

მათი განმარტებით, „დასავლეთ საქართველოს სამედიცინო ცენტრი“ ქვეყანაში კორონავირუსის პირველი დადასტურებული შემთხვევის დღიდან მკაცრად იცავს ჯანდაცვის მსოფლიო ორგანიზაციის რეკომენდაციებს.

„თითოეული პაციენტი ჰოსპიტლის სივრცეში მოხვედრამდე გადის სპეციალურად მოწყობილ პრეტრიაჟს, სადაც მათი კლინიკური შეფასება ხდება. ყველა ის ექიმი, რომელიც დღეს თვითიზოლაციაში იმყოფება, მაღალკვალიფიციური მედპერსონალით დაკომპლექტებულმა სარეზერვო გუნდმა ჩაანაცვლა. ჰოსპიტალი განსაკუთრებული ზომების დაცვით, ჩვეულ რეჟიმში განაგრძობს პაციენტებისთვის საჭირო სერვისების უსაფრთხო გარემოში მიწოდებას“, - აღნიშნულია ინფორმაციაში.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„ელიტ ელექტრონიქსში“ iPhone 13-ის წინასწარი გაყიდვა დაიწყო
სამშენებლო გამოფენა და უძრავი ქონების ფორუმი - Caucasus Build ახალი კონცეფციით ბრუნდება
გლობალურმა ექსპერტმა კვების დარგში Herbalife Nutrition-მა თბილისში, ახალი ინოვაციური გაყიდვების ცენტრი გახსნა
„PSP ყველგან შენი ოჯახის გვერდით“ კამპანიის ფარგლებში მუხრანში ბრიტანული კონცეფციის აფთიაქი გაიხსნა
Bolt და Bolt Food პარტნიორი მძღოლებისა და კურიერების შვილებისთვის ახალ, საგანმანათლებლო პროგრამას იწყებენ