ოზურგეთის მუნიციპალიტეტში, შეკვეთილის ტერიტორიაზე, კორონავირუსზე უფასო ტესტირება მიმდინარეობს. ადგილზე დაავადებათა კონტროლის ეროვნული ცენტრის გურიის განყოფილების თანამშრომლები იმყოფებიან.
დაავადებათა კონტროლის საზოგადოებრივი ჯანმრთელობის ეროვნული ცენტრის გურიის განყოფილების ხელმძღვანელის, არჩილ მჟავიას თქმით, ტესტირება 20:00 საათამდე გაგრძელდება.
,,ვიმყოფებით შეკვეთილში, მუსიკოსთა პარკში და სრულიად უფასოდ ვატარებთ მოსახლეობის ტესტირებას კორონავირუსზე. მოსახლეობის გატესტვა 17:00 საათზე დავიწყეთ და 20:00 საათზე დასრულდება“, - განაცხადა არჩილ მჟავიამ.