ირაკლი სესიაშვილი NDI- ის კვლევებზე - მათში შეინიშნება პოლიტიკური მოტივაცია, ამიტომ ამ კვლევებს ზედმეტ ყურადღებას არ ვაქცევ

თავდაცვისა და უშიშროების კომიტეტის თავმჯდომარე ირაკლი სესიაშვილი NDI- ის კვლევებს არ ენდობა და აცხადებს, რომ მათში პოლიტიკური მოტივაცია შეინიშნება.

„ჩემი დამოკიდებულება NDI- ის კვლევებთან მიმართებით ცნობილია. იმ კვლევებიდან გამომდინარე, რომელიც ჩატარდა დღემდე, მიმაჩნია, რომ მათში შეინიშნება პოლიტიკური მოტივაცია, ამიტომ ამ კვლევებს ზედმეტ ყურადღებას არ ვაქცევ.

იცით, რომ წლების განმავლობაში, NDI-ის და IRI- ის კვლევები აბსოლუტურად არ შეესაბამებოდა რეალობას, მიუხედავად მათი სათაო ოფისებისადმი პატივისცემისა, კვლევის შედეგების ცდომილება იყო ძალიან დიდი, რადგან აშკარა იყო მათი პოლიტიკური მიკერძოებულობა,"- აცხადებს სესიაშვილი.

განსხვავებით NDI - ის კვლევებისგან, სესიაშვილი „გორბის" კვლევებს ენდობა და აცხადებს, რომ მათი ბოლო კვლევები რეალობას შეესაბამება.

„ქართულ ოცნებას" აქვს გამოკვეთილი მხარდაჭერა, ჩვენს ოპონენტების რეიტინგებს აქვს ვარდნა, თავიანთი პოლიტიკური საქმიანობიდან გამომდინარე, ესეც მოსალოდნელი იყო, რადგან მათი ძირითადი კამპანია აგებული იყო ტყუილებზე“, - განაცხადა სესიაშვილმა.

ცნობისათვის, NDI- ის კვლევის თანახმად, გამოკითხული მოსახლეობის 88% საპარლამენტო არჩევნებში მონაწილეობას აპირებს, თუმცა 59%-ს ჯერ კიდევ არ აქვს გადაწყვეტილი, ვის მისცემს ხმას. გამოქვეყნდა ასევე გორბის კვლევები, რომელიც ტელეკომპანია "იმედის" დაკვეთით ჩატარდა. კვლევების თანახმად, "ქართულ ოცნებას "-56.3%; "ნაციონალურ მოძრაბას "- 11.9% , "პატრიოტთა ალიანსს "- 7.1 %, " ევროპულ საქართველოს"- 4.8% , "სტრატეგია აღმაშენებელს"- 3.5% "ლეიბორისტულ პარტიას "- 3.3% , "ლელოს" -2.9%, "გირჩს" - 2.7% მხარდაჭერა აქვთ.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული