დაავადებათა კონტროლისა და საზოგადოებრივი ჯანმრთელობის ეროვნული ცენტრის რეგიონული მართვის დეპარტამენტის შიდა ქართლის განყოფილების უფროსის, ეკა ქორჩაშვილის განცხადებით, გორის მუნიციპალიტეტის ტერიტორიაზე, ეპიდკვლევა ინტენსიურ რეჟიმში გრძელდება.
„ქორწილის კონტაქტებიდან, გორის მუნიციპალიტეტის ტერიტორიაზე, დამატებით, 170 პირის ნიმუშია აღებული და ტესტირება კვლავ გრძელდება. დღეს დილის 7 საათზე დასრულდა ამ ნიმუშების აღება და ცოტა ხანში კვლავ განახლდება. ხდება ინფიცირებულებთან, ასევე, ქორწილში მყოფ სხვა პირებთან პირდაპირ და არაპირდაპირ კონტაქტში მყოფთა დადგენა და ყველა მათგანის გადამოწმება“, - განაცხადა ეკა ქორჩაშვილმა.
შეგახსენებთ, გორის ერთ-ერთ რესტორანში გამართული ქორწილი გორისა და ახმეტის მუნიციპალიტეტებში, სოფელ ქიწნისსა და მატანში რამდენიმე პირის დაინფიცირების მიზეზი გახდა.