აჭარის ჯანდაცვის მინისტრის ნინო ნიჟარაძის განცხადებით, ტურისტების და დამსვენებლების დიდმა ნაწილმა რეგიონი დატოვა და სანაპირო ზოლი თითქმის დაცარიელდა.
როგორც მინისტრმა „პალიტრანიუსის“ გადაცემა „ნიუსრუმის“ ეთერში აღნიშნა, ტურისტულ სეზონზე კონტროლის მექანიზმები შესუსტებული იყო.
„დღეის მდგომარეობით ტურისტების და დამსვენებლების დიდმა ნაწილმა უკვე დატოვა რეგიონი, პრაქტიკულად სანაპირო ზოლი დაცარიელდა და აქედან გამომდინარე, ავიღეთ სამი კარავი, რომელიც დამსვენებელთა ტესტირებისთვის იყო განკუთვნილი. რაც შეეხება კონტროლის მექანიზმების ადმინისტრირებას, რა თქმა უნდა, შესუსტებული იყო ტურისტულ სეზონზე. გვქონდა ხალხმრავლობა და გარდა ამისა, თვითონ მოსახლეობის მხრიდანაც ნაკლებად იყო დაცული წესები, ნაკლებად იყო ამის ადმინისტრირება და ამის კონტროლი, თუმცა მოგეხსენებათ, რომ ამის აბსოლუტური კონტროლი ვერ მოხერხდება“, - განაცხადა ნინო ნიჟარაძემ.
მისივე თქმით, დღეს ერთადერთი გამოსავალი არის ის, რომ ყველამ გავიაზროთ არსებული დაძაბული ეპიდვითარება.