„საქართველოს სტრატეგიული ანალიზის ცენტრის“ დამფუძნებელი ნოდარ ხარშილაძე მიიჩნევს, რომ პრემიერ-მინისტრი დებატებში მონაწილეობას არ დათანხმდება, რადგან ის დებატებში მონაწილეობას მიჩვეული არ არის და გაუჭირდება ქვეყანაში არსებულ პრობლემებზე პასუხის გაცემა.

ამის შესახებ ის გიორგი ვაშაძის მიერ საქართველოს პრემიერ-მინისტრის გიორგი გახარიას დებატებში გამოწვევას გამოეხმაურა და განაცხადა, რომ ცივილიზებულ სამყაროში პრემიერობის კანდიდატებს შორის არჩევნების პერიოდში ხშირად იმართება დებატები ქყეყანაში არსებულ პრობლემებზე და ეს მისასალმებელია.

„ზოგადად კარგი იქნება ასეთი დებატები. ცივილიზებულ სამყაროში ხშირად იმართება არჩევნების პერიოდში. კარგი იქნება, რომ ქვეყნის პრობლემებზე იმსჯელებენ წინასაარჩევნოდ პრემიერ-მინისტრობის კანიდიდატები და ეს მისასალმებელია. ეჭვი მეპარება, რომ გიორგი გახარიამ ეს გამოწვევა მიიღოს, გამომდინარე იქედან, რომ დიდად სადებატო არც არაფერი აქვს. არ მგონია დებატებში გამოწვევა მიიღოს, რადგან საკმაოდ ბევრი პრობლემაა ქვეყანაში და ამაზე პასუხის გაცემა მას გაუჭირდება," - განაცხადა ნოდარ ხარშილაძემ.