პატრიოტთა ალიანსი - საარჩევნო პრეზენტაციას 5000-ზე მეტი მხარდამჭერი ესწრებოდა

13 სექტემბერს, ქუთაისში, ლადო მესხიშვილის სახელობის თეატრის წინამდებარე მოედანზე საქართველოს პატრიოტთა ალიანსის საარჩევნო სიისა და მაჟორიტარი დეპუტატობის კანდიდატთა პრეზენტაცია გაიმართა. ღონისძიებას (მხოლოდ იმერეთის რეგიონიდან) პატრიოტთა ალიანსის 5000-ზე მეტი მხარდამჭერი ესწრებოდა. პატრიოტთა ალიანსის საარჩევნო სიაში ბევრი ცნობილი ადამიანია წარმოდგენილი: მომღერალი ცისანა სეფიაშვილი, სტერეო+-ის დამფუძნებელი დავით ზილფიმიანი, სამოქალაქო აქტივისტი და უფლებდამცველი მერაბ ჭიქაშვილი, გენერალ-ლეიტენანტი გურამ ნიკოლაიშვილი, ცესკოს ყოფილი თავმჯდომარე და ყოფილი სახალხო დამცველი ნანა დევდარიანი.

საინტერესოა, რომ პატრიოტთა ალიანსის სიაში საზოგადოებამ არა ერთი ახალგაზრდა იხილა. პანკისელი მარიამ ბათირაშვილი პატრიოტთა ალიანსის გუნდის წევრი იქნება. პატრიოტთა ალიანსის სიის პირველ ნომრად ირმა ინაშვილი დაასახელეს, რომელიც ამავდროულად, ნაძალადევის მაჟორიტარი დეპუტატობის კანდიდატია. როგორც პატრიოტთა ალიანსის თავმჯდომარემ დავით თარხან-მოურავმა განაცხადა, ის და ადა მარშანია საპარლამენტო სიაში არ იქნებიან, ვინაიდან აგრძელებენ მუშაობას სოხუმისა და ცხინვალის მიმართულებით ჩატეხილი ხიდების აღსადგენად. „ეს იმდენად შრომატევადი და რთული პროცესია, რომ ბევრ დროს მოითხოვს“,- განაცხადა დავით თარხან-მოურავმა.

აღსანიშნავია ფაქტი, რომ პატრიოტთა ალიანსის მაჟორიტარებად აზერბაიჯანელი მახირ იუსუბოვი და სომეხი არტაშეს ჰაკობიანი დასახელდნენ, რომლებიც მარნეულისა და ახალქალაქის საარჩევნო ოლქებში იბრძოლებენ. პატრიოტთა ალიანსმა ცოტა ხნის წინ გამოკითხვის შედეგები გამოაქვეყნა. პარტიამ 1 მილიონ 200 000-ზე მეტი ადამიანი გამოიკითხა, 840 000-ზე მეტი აუდიო ჩანაწერი გაასაჯაროვა, შედეგების მიხედვით პატრიოტები პირველ ადგილზე არიან, მეორე ადგილზე „ქართული ოცნებაა“, ნაცმოძრაობას 4%-ზე ნაკლები აქვს, ხოლო ბოკერიას პარტია 1%-იან ბარიერს ვერ ლახავს. როგორც პარტიაში აცხადებენ, მასშტაბური გამოკითხვა ამ დრომდე გრძელდება. გასულ კვირას პატრიოტთა ალიანსის ლიდერმა ირმა ინაშვილმა ევროკავშირის ელჩს 189 000 აუდიოჩანაწერი გადასცა ( მარტ-აპრილის უტყუარი მონაცემები). ინაშვილის განცხადებით, დაცული იყო პერსონალურ მონაცემთა შესახებ კანონის ყველა მოთხოვნა.

„უახლოეს დღეებში მე კვლავ მექნება შეხვედრები ელჩებთან და უკვე გამოკითხვის მაის-ივნისის თვეების მონაცემებს გადავცემ, საიდანაც ნათლად ჩანს, რომ ამ პერიოდში რამდენიმე პროცენტით მოიმატა „ქართული ოცნების“ რეიტინგმა. „ქართული ოცნება“ და პატრიოტთა ალიანსი თითქმის თანაბრად იყოფენ პირველ-მეორე ადგილებს, ხოლო ნაცმოძრაობას კვლავ 4%-ზე ნაკლები რეიტინგი აქვს“,- განაცხადა ირმა ინაშვილმა.

(R)

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 19.04.2021
ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა