კახეთის გუბერნატორის მოვალეობის შემსრულებლის, ირაკლი შიოშვილის განცხადებით, ახმეტის მუნიციპალიტეტის სოფელ მატანში ინფიცირებულთა რიცხვი გაიზარდა. კორონავირუსი 10 წლის ბავშვს დაუდასტურდა, რომელიც სოფლის მე-2 საჯარო სკოლის პედაგოგის კონტაქტია.

შიოშვილის განმარტებით, არსებული ეპიდემიოლოგიური ვითარებიდან გამომდინარე მიიღეს გადაწყვეტილება, რომ ორ საჯარო სკოლაში სწავლას დისტანციური მეთოდით დაიწყოს.

პარალელურად, ახმეტის მუნიციპალიტეტის სოფელ მატნის, შესასვლელსა და გასასვლელთან მოწყობილ სამედიცინო კარავში ადგილობრივების კორონავირუსზე ტესტირება გრძელდება. ადგილზე ამ დროისთვის 460 პირის ბიოლოგიური ნიმუშია აღებული.

ამ დრომდე საეჭვო სიმპტომი არ გამოვლენილა.