“სამოქალაქო პლატფორმა 20/20”-ის გამგეობის წევრები ისრაელის ელჩს საქართველოში რან გიდორს შეხვდნენ. შეხვედრა პლატფორმის ოფისში გაიმართა.
შეხვედრაზე "სამოქალაქო პლატფორმა 20/20"-ის პროგრამების დირექტორმა ლაშა ფარულავამ ელჩს პლატფორმის სადამკვირვებლო საქმიანობის მეთოდიკა და აქტივობები გააცნო, რომელსაც სადამკვირვებლო მისიის ფარგლებში, "სამოქალაქო პლატფორმა 20/20" წინასაარჩევნოდ ახორციელებს.
“სამოქალაქო პლატფორმა 20/20”-ის ინფორმაციით, ელჩმა აღნიშნა, რომ წელს პანდემიით გამოწვეული ვითარების გამო, არჩევნებზე საერთაშორისო დამკვირვებლების რაოდენობა ძალიან მცირე იქნება, შესაბამისად, ადგილობრივი არასამთავრობო ორგანიზაციების პასუხისმგებლობა განსაკუთრებით იზრდება.
როგორც „ინტერპრესნიუსს“ "სამოქალაქო პლატფორმიდან“ აცნობეს, ისინი ცესკოს მიერ რეგისტრირებულნი არიან როგორც სადამკვირვებლო ორგანიზაცია, რომელიც 2020 წლის 31 ოქტომბრის საპარლამენტო არჩევნებს და მიმდინარე საარჩევნო პროცესს აკვირდება.