ფოთში, კორონავირუსით ინფიცირებული 24 წლის ბიჭთან კონტაქტში მყოფი პირების კვლევის შედეგებიცნობილია.
საზოგადოებრივი ჯანდაცვის ადგილობრივი ცენტრის ინფორმაციით, ლაბორატორიაში 22 ადამიანის ბიოლოგიური მასალა იყო გაგზავნილი და არც ერთ მათგანს ,,კოვიდ 19“ არ დაუდგინდა.
"ეპიდემიოლოგებმა გუშინ მოიკვლიეს 22 კონტაქტი. მათი ნიმუშები გუშინვე გავაგზავნეთ ლაბორატორიაში "პისიარ“ კვლევისათვის. მივიღეთ პასუხები და ყველა უარყოფითია, არც ერთ მათგანს "კოვიდ 19“ არ დაუდგინდა.
რაც შეეხება პაციენტს, ის შესაბამისი პროფილის კლინიკაში აგრძელებს მკურნალობას“, – განაცხადა საზოგადოებრივი ჯანდაცვის ფოთის ცენტრის დირექტორმა, ნანა მხეიძემ.
შეგახსენებთ, გუშინ ფოთში "კოვიდ 19“ ახალგაზრდა მამაკაცს დაუდგინდა.