ბათუმში, მოხუცთა პანსიონატში კორონავირუსი 5 ბენეფიციარს და 1 თანამშრომელს დაუდასტურდა - დაწესებულებაში კარანტინია გამოცხადებული

ბათუმში, მოხუცთა თავშესაფარში კორონავირუსით დაინფიცირებული ხანდაზმულების ჯანმრთელობის მდგომარეობა სტაბილურია. ისინი კლინიკებში არიან გადაყვანილი.

როგორც თავშესაფრის ხელმძღვანელმა დეკანოზ იოანე ბარამიძემ "ინტერპრესნიუსს" განუცხადა, თავშესაფრის ბენეფიციარების დაინფიცირების წყარო უცნობია, თუმცა ინფიცირებულია ამავე დაწესებულების თანამშრომელიც, რომელიც 2 სექტემბრის შემდეგ შვებულებაშია.

დეკანოზის თქმით, თანამშრომელს ხანდაზმულებთან 2 სექტემბრამდე კონტაქტი ჰქონდა, თუმცა მოხდა თუ არა დაინფიცირება აღნიშნული თანამშრომლისგან, უცნობია.

"ხუთი ხანდაზმული დაინფიცირდა, მათი მდგომარეობა სტაბილურად და უსიმპტომოდ მიმდინარეობს. ჩვენთან პერიოდულად ჯანდაცვის სამინისტროს წარმომადგენლები მოდიოდნენ და შესაბამის გამოკვლევებს აწარმოებდნენ. ბოლოს რამდენიმე დღის წინ, ნიმუშები აგვიღეს და ეპიდემიოლოგები რეკომენდაციები გასცენ. ხუთს დაუფიქსირდა ერთდროულად, მათი ოთახები დაკეტილია, რადგან დეზინფექცია უნდა ჩატარდეს.

ამასთან, დაინფიცირებულია ჩვენი თანამშრომელი, რომელიც 2 სექტემბერს შვებულებაში გავიდა. თანამშრომელს 2 რიცხვამდე ჰქონდათ კონტაქტი ამ ადამიანებთან.

2 სექტემბრის შემდეგ ჩვენთან კარანტინი გამოცხადებული, ჩაგვიტარდა ტესტი და რეკომენდაციები მივიღეთ. ყველა თანამშრომელს აუღეს ანალიზი და ველოდებით, პასუხებს. დაწესებულებაში ამ დროისათვის 120 ხანდაზმული გვყავს ", - აცხადებს დაწესებულების ხელმძღვანელი დეკანოზი იოანე ბარამიძე.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის