ლანჩხუთის მუნიციპალიტეტში კორონავირუსის ორი ახალი შემთხვევა გამოვლინდა. აღნიშნულ ინფორმაციას საზოგადოებრივი ჯანდაცვის ადგილობრივ ცენტრში ადასტურებენ. არსებული ინფორმაციით, მათ ბათუმში მოგზაურობის ისტორია აქვთ.
ჯანდაცვის ცენტრის ინფორმაციით, მიმდინარეობს ინფიცირებულებთან კონტაქტში მყოფი პირების დადგენა და ეპიდემიოლოგიური კვლევა . ლანჩხუთში ეპიდემიოლოგები ხვალაც გააგრძელებენ მუშაობას.