კახეთის საზოგადოებრივი ჯანდაცვის ცენტრის განყოფილების უფროსი - კახეთში ისევ 3 ცხელი წერტილი, სამი კლასტერი გვაქვს

კახეთის საზოგადოებრივი ჯანდაცვის ცენტრის განყოფილების უფროსის ნელი ხიზანიშვილის განცხადებით, კახეთში არსებული ეპიდსიტუაცია კონტროლირებადი და მართვადია. როგორც მან ჟურნალისტებს განუცხადა, ჯერჯერობით კორონავირუსით ინფიცირების ახალი შემთხვევები არ გამოვლენილა.

მისი თქმით, სოფელ მატანში გაფართოებული ტესტირება დაიწყო, რომელიც დღესაც გაგრძელდება.

„რაც შეეხება კახეთში არსებულ ეპიდსიტუაციას, ისევ 3 ცხელი წერტილი, სამი კლასტერი გვაქვს. როგორც მოგეხსენებათ, გუშინ ახმეტის მუნიციპალიტეტის სოფელ მატანში გაფართოებული ტესტირება დაიწყო. დაახლოებით 750 ნიმუში აიღეს მატანში. მთლიანად, კახეთის რეგიონში, როგორც გეგმური, ასევე სხვა რისკ-ჯგუფებიდან - 169 ნიმუში“, - აცხადებს ხიზანიშვილი.

მისი განმარტებით, ლაგოდეხში უფრო სტაბილური სიტუაციაა, რადგან ამჯამად თვითიზოლაციაში 2 ოჯახი იმყოფება.

„ ვფიქრობ, რომ ლაგოდეხში უფრო სტაბილური სიტუაციაა, რადგან ახალი კონტაქტები და ახალი შემთხვევები არ გამოვლენილა. მხოლოდ 2 ოჯახია, როლებიც თვითიზოლაციაში იმყოფება. შეიძლება ჩაითვალოს, რომ ის 5 შემთხვევა, რომელიც გვაქვს, აჭარიდან არის შემოტანილი და შეიძლება არც ჩვენს შემთხვევებად ჩაითვალოს. ყველა მათგანი აჭარაში იმყოფებოდა და ჩამოსვლის შემდეგ დაუდასტურდათ ვირუსი. რაც შეეხება ველისციხეს, დღეს ველოდებით კონტაქტების შედეგებს, რომელიც გუშინ ღამით გაიგზავნა. ამ კონტაქტების შედეგების მიხედვით ვიმსჯელებთ, რა დამატებითი ღონისძიებები შეიძლება გატარდეს ველისციხის კლასტერთან დაკავშირებით.

გუშინ ღამით გურჯაანის მუნიციპალიტეტის საზოგადოებრივი ჯანდაცვის ცენტრის მიერ აღებული 63 ნიმუში გაიგზავნა. რაც შეეხება მატანს, იქ დღესაც გრძელდება გაფართოებული ტესტირება“,- აცხადებს ხიზანიშვილი.

მისი თქმით, ყველა პაციენტის ჯანმრთელობის მდგომარეობა დამაკმაყოფილებელია, ბავშვებს კი ვირუსი მსუბუქი ფორმით აქვთ.

„ფაქტობრივად შეიძლება ითქვას, რომ ბავშვებს სიმპტომები თითქმის არ აქვთ მშობლებისა და უფროსებისგან განსხვავებით. ჩვენი კლასტერიდან არცერთი მძიმე პაციენტი არ არის“,-აცხადებს ხიზანიშვილი.

მისი თქმით, რეგიონში აბსოლუტურად ყველა სკოლა შემოწმდა და მიეცათ უფლება, რომ სწავლა დაიწყონ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო