ექიმის განცხადებით, ბათუმის რესპუბლიკური საავადმყოფოდან გუშინ 22 პაციენტი საკარანტინო ზონაში გადაიყვანეს, დღეს კი 17 პაციენტის გადაყვანა იგეგმება

ექიმის განცხადებით, ბათუმის რესპუბლიკური საავადმყოფოდან გუშინ 22 პაციენტი საკარანტინო ზონაში გადაიყვანეს, დღეს კი 17 პაციენტის გადაყვანა იგეგმება

ბათუმის რესპუბლიკურ საავადმყოფოში კორონავირუსით ინფიცირებული 9 პაციენტი რეანიმაციულ განყოფილებაში იმყოფება. ექიმის გია კიკაბიძის ინფორმაციით, ოთხი პაციენტის მდგომარეობა მძიმეა, თუმცა მართვით სუნთქვაზე არ იმყოფებიან.

მისი თქმით, კლინიკაში მოთავსებული 142 პაციენტიდან 55 -ს სხვადასხვა ხარისხის პნევმონია აღენიშნება.

„გასული დღის განმავლობაში რესპუბლიკურ საავადმყოფოში დაგვემატა 23 ახალი კოვიდინფიცირებული პაციენტი. გუშინ 22 პაციენტი საკარანტინო ზონაში გადაიყვანეს. ამ დილისთვის სტაციონარში ირიცხება 142 პაციენტი. 9 პაციენტი იმყოფება რეანიმაციულ განყოფილებაში. ამათგან ოთხი პაციენტის მდგომარეობა ფასდება როგორც მძიმე, ოღონდ აპარატულ სუნთქვაზე არც ერთი პაციენტი არ გვყავს.

დღეს იგეგმება 17 პაციენტის გადაყვანა საკარანტინო ზონაში. ველოდებით ერთი პაციენტის გამოჯანმრთელებას",- განაცხადა გია კიკაბიძემ.