კახა კუჭავა - „ქართული ოცნება" თავიდანვე ჩართული იყო პოლიტიკური პარტიების ქცევის კოდექსის შემუშავებაში

„ქართული ოცნება" თავიდანვე ჩართული იყო ამ დოკუმენტის შემუშავებაში. შასაბამისად, ჩვენ პირველები ვიყავით, ვინც ხელმოწერის მზადყოფნაც დავაფიქსირეთ და მოვაწერეთ კიდეც ხელი ქცევის კოდექსს ,- - ასე გამოეხმაურა პარლამენტის თავმჯდომარის მოადგილე, კახა კუჭავა შვეიცარიის საგარეო საქმეთა დეპარტამენტის განცხადებას, რომლითაც ის მიესალმება 14 სექტემბერს საქართველოში პოლიტიკური პარტიების მიერ არჩევნებთან დაკავშირებული ქცევის კოდექსის ხელმოწერას.

მისივე შეფასებით, აღნიშნული განცხადება ხაზს უსვამს, თუ რამდენად მნიშვნელოვანია ქცევის კოდექსი, რომელიც შემუშავდა საქართველოს ცენტრალურ საარჩევნო კომისიასთან ერთად.

„ისინი აცხადებენ, რომ ცენტრალური საარჩევნო კომისია შექებას იმსახურებს გაწეული საქმიანობისთვისა და საერთაშორისო პარტნიორებთან ერთად ამ დოკუმენტის შემუშავებისთვის. ამ განცხადებაში, შვეიცარიული მხარე მოუწოდებს ყველა პოლიტიკურ სუბიექტს, პარტიას მიუერთდნენ და დაიცვან ის ელემენტარული მოთხოვნები, რომელსაც, წესით, ისედაც უნდა იცავდეს ყველა, თუმცა, სამწუხაროდ, ასეთი პრაქტიკა არ არის“, - განაცხადა კახა კუჭავამ, რომლის კომენტარსაც საქართველოს პარლამენტის პრესსამსახური ავრცელებს.

როგორც პარლამენტში განმარტავენ, საქართველოში პოლიტიკური პარტიების მიერ არჩევნებთან დაკავშირებული ქცევის კოდექსის შემუშავებაში შვეიცარიული მხარე, გასული თვეების განმავლობაში, საქართველოს ცენტრალურ საარჩევნო კომისიას ეხმარებოდა. კოდექსის იმპლემენტაციის პროცესს შვეიცარია, ასევე, დაეხმარება ადგილობრივი და საერთაშორისო საარჩევნო დამკვირვებლების ხელშეწყობის გზით.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება