კორონავირუსის 196 ახალი შემთხვევიდან 8 ქუთაისში დაფიქსირდა. სავარაუდოდ, ყველა შემთხვევა 32-ე სკოლას უკავშირდება. დაინფიცირების წყაროს დაზუსტება მიმდინარეობს. იმერეთის გუბერნატორის, ზვიად შალამბერიძის ინფორმაციით, გუშინ 1400-მდე ნიმუში აიღეს. 70 ნიმუშია აღებული კარავში და მათ შედეგებს ელოდებიან.
ამასთან, დღეიდან ქალაქის ცენტრში მოწყობილ კარავს აიღებენ და მოქალაქეების ტესტირება ე.წ. ცხელების ცენტრში გაგრძელდება.