აჭარის საზოგადოებრივი ჯანდაცვის ცენტრის დირექტორის მოადგილე - აჭარა კორონავირუსის გაზრდილ შემთხვევებს უმკლავდება

აჭარა კორონავირუსის გაზრდილ შემთხვევებს უმკლავდება, - განაცხადა აჭარის საზოგადოებრივი ჯანდაცვის ცენტრის დირექტორის მოადგილემ ნონა ეფაძემ. მისი განცხადებით, რეგიონში შემთხვევათა მატება მოსალოდნელია.

ნონა ეფაძის ინფორმაციით, ბინაზე მართვის პროტოკოლი მუშავდება და მალე შესაბამისი განცხადება გაკეთდება.

მისივე ინფორმაციით, აჭარაში კორონავირუსით ინფიცირებული 15 არასრულწლოვანი და რამდენიმე სამედიცინო პერსონალია

"გასული დღე -ღამის განმავლობაში აჭარაში ჩატარდა 4000-ზე მეტი პისიარ ტესტირება. აქედან გამოვლენილი ახალი შემთხვევა არის 144. აქედან უმეტესი წილი ისევ და ისევ უკავშირდება გამოვლენილი დადებითი შემთხვევების კონტაქტებს, რომლებიც იყვნენ იზოლაციაში და მიზნობრივად ჩაუტარდათ ტესტირება. ასევე არის საკარანტინე სივრციდან ორი შემთხვევა.

კლინიკაში მკურნალობას გადის 321 პაციენტი. ყველა პაციენტის ჯანმრთელობის მდგომარეობა არის კონტროლის ქვეშ. ზოგადად ჯანდაცვის სისტემა უმკლავდება ამ გაზრდილ შემთხვევებს.

შემთხვევათა მატება მოსალოდნელია და შესაძლებელიც არის, რომ მომდევნო დღეებში მიზნობრივ ჯგუფებში, გამოვლენილ მინიკლასტერების ირგვლივ, ისევ გაიზარდოს.

მთავარი მიზანია შემთხვევათა გავრცელების შეჩერება, ყველა რისკის ქვეშ მყოფი პირის იზოლირება.

ბინაზე მართვას რაც შეეხება, ეს პროტოკოლი მუშავდება და ამაზე განცხადება გაკეთდება.

ინფიცირებული გვყავს სამედიცინო პერსონალიც, 15-მდე არასრულწლოვანია, 9-მდე ორსული. მოხუცთა თავშესაფარში ახალი შემთხვევა არ გვაქვს.

ჯანდაცვის სისტემა მუშაობს გამართულად და პაციენტების რაოდენობას უმკლავდება. დღესდღეობით ყველაფერი არის მართვადი", - განაცხადა აჭარის საზოგადოებრივი ჯანდაცვის ცენტრის დირექტორის მოადგილე ნონა ეფაძემ.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო