კახა კალაძის განცხადებით, ინფორმაცია, რომ მერია კონცერტებსა და კულტურულ ღონისძიებებს უკეთებს ორგანიზებას, სიმართლეს არ შეესაბამება

დედაქალაქის მერის, კახა კალაძის განცხადებით, ინფორმაცია, რომ მერია სხვადასხვა სახის კონცერტებსა და კულტურულ ღონისძიებებს უკეთებს ორგანიზებას, სიმართლეს არ შეესაბამება. მისი თქმით, ყველა ღონისძიებას თავისი ორგანიზატორი ჰყავს და მათ უნდა უზრუნველყონ, რომ ჯანდაცვის სამინისტროს რეკომენდაციები დაიცვან.

ვრცელდება ინფორმაცია, თითქოს თბილისის მერია ორგანიზებას უწევს კონცერტებს, სხვადასხვა სახის ღონისძიებას. მიდა აღვნიშნო, რომ თითოეულ ღონისძიებას ჰყავს თავისი ორგანიზატორი და რა თქმა უნდა, ორგანიზატორი არის ვალდებული, დაიცვას ყველა ის მოთხოვნა, შეასრულოს ყველა ის რეგულაცია, რასაც ჯანდაცვის სპეციალისტები მოგვიწოდებენ. ეს გასათვალისწინებელია არსებული ეპიდემიოლოგიური მდგომარეობიდან გამომდინარე იმისთვის, რომ ჩვენ გავუფრთხილდეთ ერთმანეთის ჯანმრთელობის მდგომარეობასა და სიცოცხლეს. შესაბამისად, ის ცრუ და ტყუილი ინფორმაცია, თითქოს მერია უკეთებს ამ ყველაფერს ორგანიზებას, სიმართლეს არ შეესაბამება“, - განაცხადა კალაძემ.

როგორც ის აღნიშნავს, დედაქალაქის მერია სხვადასხვა მიმართულებით კულტურის სფეროს წარმომადგენლებს აფინანსებს. ამასთან, კალაძე მიმართავს ფოტოგრაფებს და აცხადებს, რომ მერია მათ არსებული პროგრამების ფარგლებში დაეხმარება.

„ჩვენ, რა თქმა უნდა, კულტურის სფეროს წარმომადგენელებს გამოვუცხადეთ მხარდაჭერა, ვაფინანსებთ სხვადასხვა მიმართულებით. ეს იქნება კონცერტები, მომღერლები, ბენდები, ხელოვნების სხვადასხვა წარმომადგენლები, ამას გავაგრძელებთ და ადამიანებს პრობლემის წინაშე პირისპირ არ დავტოვებთ, გევრდში დავუდგებით, ხელს შევუწყობთ. ამისთვის დაახლოებით 3 მლნ ლარი იქნა მოძიებული, რომ ხელი შევუწყოთ ამ მძიმე ვითარებაში კულტურის სფეროს წარმომადგენლებს“, - განაცხადა კახა კალაძემ.

იხილეთ ვიდეო:

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება