ბორჯომის მუნიციპალიტეტის მერიამ კორონავირუსის გავრცელების პრევენციის მიზნით, სადეზინფექციო სამუშაოები ჩაატარა. ამის შესახებ ინფორმაციას ბორჯომის მუნიციპალიტეტის მერია ავრცელებს.
მათივე ინფორმაციით, დეზინფექცია ჩაუტარდა საზოგადოებრივ ტრანსპორტს, სკვერებსა და ავტობუსის მოსაცდელებს. ამასთან, სპეციალური ხსნარით მოირეცხა ქალაქის ქუჩები.
,, ბორჯომის მერიის დასუფთავების სამსახური სადეზინფექციო სამუშაოებს ყოველკვირეულ რეჟიმში ატარებს. სპეციალური ხსნარებით ირეცხება საავტომობილო გზები, საფეხმავლო ბილიკები,ასევე ბანკების, სასურსათო მარკეტების, ბენზინგასამართი სადგურებისა და სამედიცინო დაწესებულების მიმდებარე ტერიტორიები. დეზინფექცია უტარდება, მრავალბინიან საცხოვრებელ სახლებსა და მათ გარე სივრცეებს," - ნათქვამია ინფორმაციაში.