ანრი ოხანაშვილი ეკა ბესელიას - „ქართული ოცნების“ გუნდი არის ძალა, რომელიც ასოცირდება პროგრესთან - რომ არ გვეთანხმებით, ეს პოლიტიკური პაექრობის ნაწილია

„ქართული ოცნების“ გუნდი არის ძალა, რომელიც ასოცირდება პროგრესთან. რომ არ გვეთანხმებით, ეს პოლიტიკური პაექრობის ნაწილია, - ასე უპასუხა იურიდიულ საკითხთა კომიტეტის თავმჯდომარემ, ანრი ოხანაშვილმა დამოუკიდებელ დეპუტატს, ეკა ბესელიას იმასთან დაკავშირებით, რომ მმართველმა გუნდმა მოსამართლეების არჩევასთან დაკავშირებული „საზიანო პროცესი“ დაასრულა „ღია და გამჭვირვალე კონტრაქტით კლანთან“.

როგორც ოხანაშვილმა პარლამენტის პლენარულ სხდომაზე განაცხადა, მმართველ გუნდს არავისთან კონტრაქტი არ გაუფორმებია.

„ეს მსჯელობა უკვე პოლიტიკურ ჭრილშია გადატანილი. მესმის, წინასაარჩევნო პროცესში ვართ და ქალბატონ ეკას აქვს თავისი პოლიტიკური ინტერესი, მაგრამ ეს მისი არჩევანია.

რაც შეეხება ჩვენს მიერ წარმოდგენილ კანონპროექტს, არ უნდა იყოს აღქმული, რომ რამე გავაფუჭეთ და ვასწორებთ. დიდი ბოდიში, მაგრამ რომ ვსაუბრობთ პროცესი გამჭვირვალე და გახსნილი იყო, ვისი დამსახურებით გაიხსნა? ვინ შეიმუშავა ეს ცვლილებები? - ამ მოწვევის პარლამენტმა, უმრავლესობამ, „ქართულმა ოცნებამ“. „ქართული ოცნების“ გუნდი არის ძალა, რომელიც ასოცირდება პროგრესთან. რომ არ გვეთანხმებით, ეს პოლიტიკური პაექრობის ნაწილია, მესმის, თქვენც შეგიძლიათ არ დაგვეთანხმოთ. მაგრამ იმის თქმა რა გააკეთა „ქართულმა ოცნებამ“, რომ კონტრაქტი გავაფორმეთ თითქოს... არავითარი კონტრაქტი არ გაგვიფორმებია. გავხსენით ისტორიული პროცესი. სასამართლოს კონკრეტული სტატისტიკა ცხადყოფს, როგორ სრულდება დღეს დავა, რომელიც საქართველოს მოქალაქეს აქვს სასამართლოში, რომ სახელმწიფო ბევრ შემთხვევაში აგებს დავას მოქალაქესთან, რაც ვერავის წარმოდგინა. ის, რომ აღკვეთის ღონისძიების სახედ მოთხოვნილი პატიმრობა უმეტეს შემთხვევაში არ კმაყოფილდება, ის, რომ პროკურატურას არ ეთანხმება სასამართლო და არ არის სინქრონში - ეს ხომ იმ ყველაფრის შედეგია, რასაც „ქართული ოცნების“ გუნდი ნაბიჯ-ნაბიჯ აკეთებს? გვესმის, რომ არ არის იდეალური სიტუაცია. რომელი ქვეყნის სასამართლოშია იდეალური სიტუაცია, იქნებ გვითხრათ?“, - განაცხადა ოხანაშვილმა და დასძინა, რომ „ეს ცვლილებები ემსახურება დაზუსტებას და არა იმას, რომ რაღაც არასწორია და ვასწორებთ“.

ცნობისთვის, ეკა ბესელიამ ცოტა ხნის წინ პარლამენტის პლენარულ სხდომაზე სადაც „საერთო სასამართლოების შესახებ“ კანონში შესატან ცვლილებებს პირველი მოსმენით განიხილავენ მმართველ გუნდს მიმართა და აღნიშნა, რომ მათ ხმა მისცეს იმ მოსამართლეებს, რომელთა უმრავლესობამ სამართლის საფუძვლები არ იციან. ასევე ბესელიამ აღნიშნა, რომ მმართველმა გუნდმა მოსამართლეების არჩევასთან დაკავშირებული „საზიანო პროცესი“ დაასრულა „ღია და გამჭვირვალე კონტრაქტით კლანთან“.

ცნობისთვის, „საერთო სასამართლოების შესახებ“ კანონში ცვლილებების შეტანის თაობაზე დამოუკიდებელ დეპუტატს, ეკა ბესელიას ალტერნატიული კანონპროექტი ჰქონდა წარმოდგენილი, თუმცა, პარლამენტმა მას მხარი არ დაუჭირა. “საერთო სასამართლოების შესახებ” წარმოდგენილი ძირითადი და ალტერნატიული ორგანული კანონების პროექტებიდან ერთ-ერთის საფუძვლად მიღების თაობაზე დადგენილებას პარლამენტმა კენჭი ცოტა ხნის წინ უყარა. ძირითად კანონპროექტს მხარი 81-მა დეპუტატმა დაუჭირა, ხოლო ერთმა მის წინააღმდეგ მისცა ხმა. აღნიშნულის შედეგად, პარლამენტში პირველი მოსმენით ირაკლი კობახიძის, გურამ მაჭარაშვილისა და რატი იონათამიშვილის კანონპროექტს განიხილავენ.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„ელიტ ელექტრონიქსში“ iPhone 13-ის წინასწარი გაყიდვა დაიწყო
სამშენებლო გამოფენა და უძრავი ქონების ფორუმი - Caucasus Build ახალი კონცეფციით ბრუნდება
გლობალურმა ექსპერტმა კვების დარგში Herbalife Nutrition-მა თბილისში, ახალი ინოვაციური გაყიდვების ცენტრი გახსნა
„PSP ყველგან შენი ოჯახის გვერდით“ კამპანიის ფარგლებში მუხრანში ბრიტანული კონცეფციის აფთიაქი გაიხსნა
Bolt და Bolt Food პარტნიორი მძღოლებისა და კურიერების შვილებისთვის ახალ, საგანმანათლებლო პროგრამას იწყებენ