კახა კუკავას განცხადებით, „თავისუფალი საქართველო“ ყოფილი სახელისუფლებო პარტიების შეთანხმებას არ შეუერთდება

„თავისუფალი საქართველოს“ ლიდერის, კახა კუკავას განცხადებით, „თავისუფალი საქართველო“ ყოფილი სახელისუფლებო პარტიების შეთანხმებას არ შეუერთდება. კერძოდ, კახა კუკავას თქმით, საუბარია შეთანხმებაზე, რომელიც გულისხმობს 2020 წლის საპარლამენტო არჩევნებში „ქართული ოცნების“ დამარცხების შემდეგ, მართლმსაჯულების სისტემის დამოუკიდებლობისა და მისდამი ნდობის გაზრდის მიზნით, რეფორმების განხორციელებას.

კახა კუკავას თქმით, დოკუმენტის იდეა და მისი შინაარსი კეთილშობილურ მიზნებს ემსახურება, თუმცა „დოკუმენტზე ხელმომწერი ადამიანების უმრავლესობა თავად არიან დამნაშავეები სისტემის დამახინჯებაში“.

„არსებულ იდეას მივესალმები, რომელიც: მართლმსაჯულების, სასამართლოს, პროკურატურისა და პოლიციის რეფორმირებას ითვალისწინებს, თუმცა ამავე დოკუმენტზე ხელმომწერი ადამიანების უმრავლესობას თუ გადავხედავთ, დავინახავთ, რომ ისინი თავად არიან დამნაშავეები ამ სისტემის დამახინჯებაში. აქედან გამომდინარე „თავისუფალი საქართველო“ აღნიშნულ დოკუმენტს ხელმოწერით არ შეუერთდება. ეს იგივე იქნებოდა, რომ ჯაბა იოსელიანთან გაგვეფორმებინა მემორანდუმი კრიმინალის წინააღმდეგ ბრძოლაზე, ან ანალოგიური მემორანდუმი შევარდნაძესთან გაგვეფორმებინა, რომელიც არჩევნების გაყალბების წინააღმდეგ იქნებოდა მიმართული.

მიგვაჩნია, რომ ის პარტიები, რომლებმაც დღემდე ვერ მისცეს ობიექტური შეფასება გირგვლიანის მკვლელობას, 7 ნოემბრისა და 26 მაისის სასტიკ დარბევას, ასევე პატიმრების წამებას საქართველოს ციხეებში, მათთან ერთად სერიოზული დიალოგი მართლმსაჯულების სისტემის რეფორმაზე არასერიოზული და კომიკურია“,- განაცხადა „თავისუფალი საქართველოს“ ლიდერმა, კახა კუკავამ.

ცნობისთვის, დღეს, ოპოზიციურმა პარტიებმა: „ევროპული საქართველო“, „ნაციონალური მოძრაობა“, „სტრატეგია აღმაშენებელი“, „ერთიანი საქართველო“ და „ გირჩი“ ხელი მოაწერეს შეთანხმებას, რომელიც NDI-ს ორგანიზებით ბორჯომში გამართული ოპოზიციის მოლაპარაკებებისას შეჯერებული საკითხების ნაწილს მოიცავს.

აღნიშნულ ინფორმაციას „თავისუფალი საქართველოს“ პრესსამსახური ავრცელებს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს