აჭარის მთავრობის სახლთან თურქეთში დასაქმებული მოქალაქეები საპროტესტო აქციას მართავენ. აქციის მონაწილეების განცხადებით, მათი მთავარი მოთხოვნაა, თურქეთთან საზღვრის გახსნამდე მთავრობა ყოველთვიურად 300 ლარით დაემხმაროს.

აქციის მონაწილეების თქმით, მთავრობამ დაჰპირდა, რომ 10 დღის განმავლობაში მათ საკითხს მოაგვარებდა, თუმცა უშედეგოდ.

"ჩვენ მშვიდობიანი აქცია გვაქვს. მოვითხოვთ მთავრობის ადმინისტრაციის წარმომადგენელ კახა შაშიკაძესთან შეხვედრას. 15 დღე გავიდა და მთავრობისგან პასუხი არ მიგვიღია, მათ ბოლო აქციაზე გვითხრეს, რომ 10 დღეში ჩვენი საკითხი გადაწყდებოდა, თუმცა დღეს საერთოდ აღარ გვხვდებიან",- აცხადებს აქციის მონაწილე მანანა თებიძე.