გორის მუნიციპალიტეტის ტერიტორიაზე ხანძარია. ცეცხლი ატენის ხეობაში, სოფელ ბოშურის სიახლოვეს, მთაში გაჩნდა. შემთხვევის ადგილზე მეხანძრე-მაშველთა ჯგუფებია მობილიზებული, თუმცა, რთული რელიეფის გამო, ხანძრის კერამდე სახანძრო ტექნიკის მიყვანა ვერ ხერხდება.

შსს-ს საგანგებო სიტუაციების მართვის სამსახურის ინფორმაციით, ატენი-ბოშურის მიმდებარედ მთაში, კლდოვან ნაწილზე, სადაც ცეცხლი შეინიშნება, მთელი ღამის განმავლობაში დარჩება სპეც აღჭურვილობით მობილიზებული მეხანძრე-მაშველთა ჯგუფები.

ცეცხლის ქრობის სამუშაოები ხილვადობის აღდგენისთანავე გაგრძელდება.