საქართველოში, ბოლო 24 საათში, კორონავირუსით ინფიცირების 179 ახალი დადასტურებული შემთხვევიდან, ერთი ფოთში დაფიქსირდა. ინფიცირებული შუახნის ქალია. საზოგადოებრივი ჯანდაცვის ადგილობრივი ცენტრის იფორმაციით, მას „კოვიდ 19“ გუშინ სწრაფი ტესტით გამოუვლინდა და გადამოწმების მიზნით „პისიარ“ კვლევა ჩაუტარდა. მათივე ინფორმაციით, კვლევის შედეგი დადებითია. ამ დროისთვის მიმდინარეობს ეპიდემიოლოგიური კვლევა.

,,გვაქვს ერთი დადასტურებული შემთხევვა. მიმდინარეობს კონტაქტში მყოფი პირების დადგენა. თვითიზოლაციაში არიან მასთან ახლო კონტაქტში მყოფი ადამიანები, მათ გაუკეთდათ სწრაფი ტესტი და ჩაუტარდებათ ,,პისიარ“ კვლევაც და ველოდებით პასუხებს. ინფიცირების წყარო ბათუმს უკავშირდება“, - განაცხადა ფოთის საზოგადოებრივი ჯანდაცვის ცენტრის საზოგადოებასთან ურთიერთობის სამსახურის მენეჯერმა, ნინო ლეფსაიამ.