საბერძნეთის პოლიციას კუნძულ ლესბოსზე ბანაკის დაწვის შემდეგ თავშესაფრის გარეშე დარჩენილი მიგრანტები და ლტოლვილები დროებით ბანაკში - Kara Tepe-ში- გადაჰყავს, - ამის შესახებ ინფორმაციას BBC-ი ავრცელებს.
გამოცემის ცნობით, დღეს დილის მონაცემებით, დროებით ბანაკში, რომელიც დამწვარი ბანაკთან ახლოს მდებარეობს, უკვე 1 800 ადამიანია გადაყვანილი.
აღსანიშნავია, რომ მიგრანტებსა და ლტოლვილებს დროებით ბანაკში გადაყვანამდე კორონავირუსზე ტესტს უტარებენ, ვინაიდან „მორიას“ ყოფილ 56 ბინადარს კოვიდ 19-ი დაუდასტურდა.
ბევრ მიგრანტსა და ლტოლვილს ლესბოსზე დარჩენა არ სურს და ევროპის რომელიმე სხვა ქვეყანაში გადასვლის იმედი აქვს.
შეგახსენებთ, რადემინე დღის წინ საბერძნეთის კუნძულ ლესბოსზე მიგრანტთა უდიდესი ბანაკი „მორია“ დაიწვა, რის შედეგადაც 35 ქვეყნიდან ჩასული 12 000-მდე ადამიანი თავშესაფრის გარეშე დარჩა. გუშინ ბერძენმა სამართალდამცავებმა ხანძრის გაჩენისთვის ბრალი ავღანეთის ოთხ მოქალაქეს წარუდგინეს.