ბათუმის საქალაქო სასამართლო სრულად დისტანციურ რეჟიმში იწყებს მუშაობას. სხდომებში მონაწილეობას ადვოკატები და პროკურორები დისტანციურად მიიღებენ მონაწილეობას.
როგორც სასამართლოს ადმინისტრაციაში „ინტერპრესნიუსს" განუცხადეს, კორონავირუსი ორ ადვოკატს დაუდასტურდა, რის გამოც ზომები გაამკაცრეს.
სასამართლოს ინფორმაციით, დაწესებულების ყველა თანამშრომელს ლაბორატორიული კვლევა ჩაუტარდება.
„როგორც ჩვენთვის გახდა ცნობილი, ორ ადვოკატს დაუდასტურდა კორონავირუსი, ამიტომ სრულად გადავედით დისტანციურ რეჟიმზე.
ადვოკატები, რომლებიც პროცესებს ესწრებოდნენ, ვეღარ დაესწრებიან.
სხდომებში მონაწილეობას ადვოკატებიც და პროკურორებიც დისტანციურად მიიღებენ მონაწილეობას. აქამდე სხდომათა დარბაზში დასწრება მასიმალურად შეზღუდული იყო",- აცხადებენ სასამართლოში