არჩილ თალაკვაძე IRI-ის კვლევაზე - არსებობს არაერთი ავტორიტეტული კვლევა, სადაც "ქართულ ოცნებას" 56% და კიდე უფრო მაღალი ნდობა აქვს

არსებობს უკვე არაერთი ავტორიტეტული კვლევა, სადაც "ქართულ ოცნებას" საზოგადოების მხრიდან აქვს 56% და კიდე უფრო მაღალი ნდობა, კამპანიის შუაში - ამის შესახებ ჟურნალისტებს პარლამენტის თავმჯდომარემ არჩილ თალაკვაძემ IRI-ის კვლევის შედეგების შეფასებისას განუცხადა.

მისივე თქმით, ეს არის შედეგები, რომელიც ალოკაციის გარეშეა დამუშავებული და არ ასახავს სრულფასოვან სურათს.

"ჩვენ მივესალმებით, რომ ტარდება კვლევები, რომ საზოგადოების აზრით ვინტერესდებით არამხოლოდ ჩვენ, ხელისუფლება, პოლიტიკური პარტიები, არამედ საერთაშორისო ორგანიზაციები და კვლევითი ორგანიზაციები. ჩვენ გვჯერა ჩვენი მხარდამჭერების, ვენდობით ჩვენს მოქალაქეებს და კამპანიის წარმატებით დასრულების შემდეგ, ეს მხარდაჭერა მოველით რომ კიდევ უფრო გაიზრდება. უკვე არსებული მხარდაჭერა არის საკმარისი იმისთვის, რომ "ქართულმა ოცნებამ" მიიღოს საპარლამენტო უმრავლესობა და დამოუკდებლად ჩამოაყალიბოს მთავრობა და მინისტრთა კაბინეტი. რაც შეეხება ამ კვლევას, ეს არის შედეგები, რომელიც ალოკაციის გარეშეა დამუშავებული და არ ასახავს სრულფასოვან სურათს თუ რა მხარდაჭერაა იმ ჯგუფებში, ვინც თავი შეიკავა პასუხის გაცემისგან, თუნდაც ამ კონკრეტული ორგანიზაცის ინტერვიუერებთან. ეს არ ნიშნავს, რომ ეს პროცენტი გამოხატავს ჩვენს მიმართ არსებულ მხარდაჭერას. გირჩევთ, ნახოთ ის კვლევები, სადაც არის სრულფასოვანი ანალიზი, მათ შორის, ალოკაციის მეთოდიცაა გამოყენებული და იქ არის 56% მხარდაჭერა", - განაცხადა თალაკვაძემ.

ცნობისთვის, "საერთაშორისო რესპუბლიკური ინსტიტუტის" (IRI)-ს მიერ ჩატარებული გამოკითხვის მიხედვით, გამოკითხულთა 36% არჩევნებზე მხარს „ქართულ ოცნებას“, 15 % კი- „ნაციონალურ მოძრაობას“ უჭერს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით