„თავისუფალმა საქართველომ“ ახალქალაქში მაჟორიტარი დეპუტატობის კანდიდატი წარადგინა

„თავისუფალი საქართველოს“ ინტერესებს, ახალქალაქში მაჟორიტარი დეპუტატობის კანდიდატი სამველ ეღიაზარიანი დაიცავს.

პარტიის ლიდერის, კახა კუკავას განცხადებით, ახალქალაქში “ფეოდალური მმართველობა უნდა დასრულდეს” და ძალაუფლება ხალხს გადაეცეს.

„სამველ ეღიაზარიანი ის პრინციპული ადამიანია, რომელიც „თავისუფალ საქართველოს“ საპარლამენტო არჩევნებში წარმოადგენს. მჯერა, ადგილობრივი მოსახლეობა მას კარგად იცნობს, ამიტომ სრულ მხარდაჭერას გამოუცხადებთ, რის შედეგადაც ჩვენი კანდიდატი მომავალ საკანონმდებლო ორგანოში ახალქალაქელების ინტერესებთან ერთად, სრულიად საქართველოს სახელმწიფოებრივ ინტერესებს დაიცავს“,- ასე მიმართა კახა კუკავამ დღეს, ახალქალაქში შეკრებილ მოსახლეობას.

მისივე თქმით, „თავისუფალი საქართველო“ წინასაარჩევნოდ უფრო მეტ ძალას იკრებს და ეს მის მზარდ რეიტინგზეც აისახება.

„ჩვენი პარტიის რეგიონალური ოფისები მთელი საქართველოს მასშტაბით დავაფუძნეთ. მოსახლეობისგან დიდ მხარდაჭერას ვგრძნობთ, ამის საფუძველზე კი იმედი გვაქვს, რომ საპარლამენტო არჩევნებში სასურველ შედეგს აუცილებლად მივაღწევთ“,- განაცხადა კახა კუკავამ.

ახალქალაქის მაჟორიტარი დეპუტატობის კანდიდატის აზრით კი, მალე მოვა ის დრო, როდესაც საქართველოში არსებული პოლიტიკური ვითარება უკეთესობით შეიცვლება და ამაში თავის წვლილს „თავისუფალი საქართველო“ აუცილებლად შეიტანს.

„მზად ვარ ბოლომდე დავიცვა ახალქალაქელების ინტერესები და მათთან ერთად ვიზრუნო საქართველოს უკეთეს მოვალზე. მჯერა, ჩვენი ერთად დგომა სასურველ შედეგს აუცილებლად გამოიღებს და საქართველოს მომავალი, იმედით სავსე და გაცილებით ეფექტური იქნება“,- განაცხადა სამველ ეღიაზარიანმა.

ინფორმაციას „თავისუფალი საქართველოს“ პრესსამსახური ავრცელებს.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე