პროკურორი - კონსტანტინე ღიბრაძემ დაინახა, რომ „მერსედესიდან" გადმოსული პირები ჩართული იყვნენ ჩხუბში, რომელთაც შეუერთდა მანამდე მათ უკან მომავალი ორი პიროვნებაც

კონსტანტინე ღიბრაძემ დაინახა, რომ "მერსედესიდან" გადმოსული პირები ჩართული იყვნენ ჩხუბში, რომელთაც შეუერთდა მანამდე მათ უკან მომავალი ორი პიროვნებაც, -ამის შესახებ ჟურნალისტებს ფეხბურთელ გიორგი შაქარაშვილის საქმის პროკურორმა ნანა გუგუტიშვილმა განუცხადა. მისივე განმარტებით, ღიბრაძემ მისთვის რკინის ხელკეტის დარტყმის ფაქტი დაადასტურა, თუმცა, კონკრეტული პირების იდენტიფიცირება არ მოუხდენია, ვინაიდან ღიბრაძე თავდაცვის მიზნით გაიქცა.

„კონსტანტინე ღიბრაძე აღნიშნულ სისხლის სამართლის საქმეზე დაზარალებულია. მან დეტალურად ისაუბრა მისთვის ცნობილი გარემოებების შესახებ აგარაკის ტერიტორიაზე, ასევე თუ ვისთან ერთად გადაადგილდებოდა და ასევე ისაუბრა „მერსედესის" მარკის ავტომობილის მისვლასა და თავდასხმაზე. აღნიშნულმა პირმა სასამართლოში დაკითხვისას განმარტა, რომ „მერსედესის" მარკის ავტომობილი გაჩერდა, ავტომობილიდან გადმოსულ ერთ-ერთ სრული აღნაგობის პიროვნებას, რომლის იდენტიფიცირებაც ვერ მოახდინა თავდასხმის მოულოდნელი ეფექტიდან გამომდინარე, ხელში რაღაც საგანი ეჭირა, რომელიც მოარტყა სხეულზე, რის შემდეგაც ის თბილისის მიმართულებით გაიქცა, ხოლო მისი თანმხლები პირები საპირისპირო მიმართულებით გაიქცნენ.

გადაადგილებისას, როცა მანქანა უნდა გაეჩერებინა, უკან მოიხედა და დაინახა, რომ "მერსედესიდან" გადმოსული პირები ჩართული იყვნენ ჩხუბში, რომელთაც შეუერთდა მანამდე მათ უკან მომავალი ორი პიროვნება, რომლებმაც ტელეფონის ნომერი გამოართვეს გადაადგილების დროს. მოწმემ სახელებით და გვარებით არ იცის აღნიშნული პიროვნებები ვინ იყო. ორი პიროვნება, რომლებმაც გიორგი ქათამაძეს ტელეფონის ნომერი გამოართვეს საქმის მასალებით დადგენილია, რომ არასრულწლოვანი ლ.შ. და გ.მ. არიან. მოწმემ ნახა, რომ ეს ორი პირი "მერსედესის" მგზავრებთან ერთად ჩხუბში ჩართული იყო, ხედავდა ხელების და ფეხების მოქნევას ეპიცენტრში მყოფი ერთი პირის მიმართ.

რაც შეეხება პიროვნებას, რომელსაც ჰქონდა რკინის ხელკეტი, საქმის მასალებით დადასტურებულია, რომ ნიკა ჟვანია არის, რომელმაც აღნიშნული რკინის ხელკეტი მოუქნია და დაარტყა კონსტანტინე ღიბრაძეს ფეხში, ბარძაყის არეში. თვითონ იმ მომენტში მისი სახელი და გვარი არ იცოდა, არ დაკვირვებია და იდენტიფიცირება არ მოუხდენია, ვინაიდან თავს დაესხნენ და თავდაცვას ცდილობდა", - განაცხადა გუგუტიშვილმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო