აჭარის უმაღლეს საარჩევნო კომისიაში, საარჩევნო ბლოკი „ერთიანი ნაციონალური მოძრაობა" - გაერთიანებული ოპოზიცია "ძალა ერთობაშია" დარეგისტრირდა
აჭარის ავტონომიური რესპუბლიკის უმაღლეს საარჩევნო კომისიაში, საარჩევნო ბლოკი „ერთიანი ნაციონალური მოძრაობა" - გაერთიანებული ოპოზიცია "ძალა ერთობაშია" ოფიციალურად დარეგისტრირდა.
როგორც „ერთიანი ნაციონალური მოძრაობის" ერთ-ერთმა ლიდერმა ლევან ვარშალომიძემ განაცხადა, ბლოკის შემადგენლობაში „რესპუბლიკური პარტია", „ემსახურე საქართველოს" და სხვა პარტიები შედიან.
„ოფიციალურად შეიქმნა „ერთიან ნაციონალურ მოძრაობასა" და „რესპუბლიკურ პარტიას" შორის ბლოკი, თუმცა ეს არ ნიშნავს, რომ სხვა პარტიები ჩვენთან არ არის.
ყველა პარტიაა, რომელიც არის „ნაციონალურ მოძრაობასთან", ჩვენ გვექნება ერთიანი სიები, ერთიანი სტრატეგია და ვიბრძოლებთ ერთიანად", - განაცხადა ლევან ვარშალომიძემ.
აჭარის მთავრობის ყოფილი თავმჯდომარე ლევან ვარშალომიძე საქართველოს პარლამენტში „ერთიანი ნაციონალური მოძრაობის" ბათუმის მაჟორიტარი დეპუტატობის კანდიდატი იქნება.
v-if="article.gallery" v-html="article.gallery"
