ატენის ტყეში ხანძრის სალიკვიდაციო სამუშაოები გრძელდება. ატენის ხეობაში სახანძარო-სამაშველო ძალებმა ცეცხლის ქრობის სამუშაოები ხილვადობის აღდგენისთანავე განაახლეს.

როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, ცეცხლი უკიდია ბუჩქნარს და ბალახს, მთის კლდოვან ნაწილზე. 30-მდე მეხანძრე-მაშველი მობილიზებულია სპეცაღჭურვილობით და მიმდინარეობს კერების დამუშავება.