ზვიად შალამბერიძე - ამ ეტაპზე ვაკონტროლებთ სიტუაციას და ასე უნდა გავაგრძელოთ, ყველა გამოწვევას უნდა შევხვდეთ ღირსეულად

იმერეთში სახელმწიფო რწმუნებული ზვიად შალამბერიძე რეგიონში არსებული დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელებს შეხვდა. ამის შესახებ ინფორმაციას სახელმწიფო რწმუნებულის ადმინისტრაცია ავრცელებს.

მათივე ცნობით, ზვიად შალამბერიძემ შეხვედრაზე ამ ეტაპზე არსებულ ეპიდემიოლოგიურ მდგომარეობაზე, მთავრობის დადგენილებით განსაზღვრული რეგულაციების კონტროლსა და აღსრულებაზე გაამახვილა ყურადღება. მხარის რწმუნებულმა დაავადებათა კონტროლის ეროვნული ცენტრის თანამშრომლებისგან მიმდინარე პროცესებზე ინფორმაცია მოისმინა და სამუშაოს ეფექტურად შესრულებისთვის მათ მადლობა გადაუხადა.

"მადლობა საქმიანობისთვის, შრომისა და გვერდით დგომისთვის. ვირუსის გავრცელების პირველივე დღეებიდან აქტიურად ხართ ჩართულები პროცესში და შესაძლებლობებიდან გამომდინარე, აკონტროლებთ ეპიდემიოლოგიურ ვითარებას ჩვენს რეგიონში. ბოლო პერიოდში მხარეში გვაქვს კორონავირუსის დიაგნოზის მქონე პაციენტების ზრდა.

ასევე იცით, რომ იმერეთში ჯამში 236 კოვიდინფიცირებული პაციენტი მკურნალობს, როგორც ჩვენს რეგიონში მცხოვრები, ასევე სხვადასხვა რეგიონებიდან გადმოყვანილი პაციენტები. მიუხედავად იმისა, რომ რიცხვი საკმაოდ მაღალია, სამედიცინო დაწესებულებები არსებული რესურსით კარგად უმკლავდებიან შექმნილ მდგომარეობას და ზრუნავენ თითოეული პაციენტის ჯანმრთელობაზე. ამ ეტაპზე, ვაკონტროლებთ სიტუაციას და ასე უნდა გავაგრძელოთ. ყველა გამოწვევას უნდა შევხვდეთ ღირსეულად. აუცილებელია თითოეულ შემთხვევაზე მოხდეს სწრაფი რეაგირება, ოპერატიული მუშაობა და სწორი ნაბიჯების გადადგმა, როგორც ეს იყო დღემდე", - განაცხადა ზვიად შალამბერიძემ.

სახელმწიფო რწმუნებულმა მოსახლეობას რეგულაციების დაცვისკენ კიდევ ერთხელ მოუწოდა.

"აუცილებელია გამოვიჩინოთ განსაკუთრებული სიფრთხილე, ვატაროთ პირბადეები და დავიცვათ სოციალური დისტანცია", - აღნიშნა სახელმწიფო რწმუნებულმა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა