ქობულეთში, სოფელ ჭახათში სასაფლაოები გაძარცვეს. როგორც სოფლის რწმუნებული ნუგზარ დავითაძე „ინტერპრესნიუსთან“ საუბრისას აცხადებს, შემთხვევის შესახებ სოფლის მცხოვრებლებმა დღეს გაიგეს.

მისი თქმით, ფაქტის შესახებ სამართალდამცავებს შეატყობინეს.

„დღეს დილით ვნახეთ, სოფლის რამდენიმე სასაფლაო გაძარცვულია. წაღებულია მოაჯირები, ფაქტობრივად, სასაფლაოზე დაზიანებულია ყველაფერი. ამ ფაქტის შესახებ შინაგან საქმეთა სამინისტროს ვაცნობეთ. იმედია დაისჯება ამის გამკეთებელი", - აცხადებს სოფლის რწმუნებული ნუგზარ დავითაძე.