ევროპაში კორონავირუსის ახალი შემთხვევების ერთი კვირის მაჩვენებელმა ეპიდემიის პირველი პიკის მონაცემს გადააჭარბა

ჯანდაცვის მსოფლიო ორგანიზაციის მონაცემებით, ევროპაში კორონავირუსით ინფიცირების ახალი შემთხვევების ერთი კვირის მონაცემები ახლა უფრო მაღალია, ვიდრე მარტში, ეპიდემიის პირველი პიკის დროს იყო.

„ჩვენს წინაშე ძალიან სერიოზული სიტუაციაა. სექტემბრის შემთხვევათა რაოდენობამ ყველა ჩვენგანი უნდა გამოაფხიზლოს“, -აღნიშნა ჯანდაცვის მსოფლიო ორგანიზაციის ევროპის ბიუროს ხელმძღვანელმა, ჰანს კლიუგემ.

ორგანიზაციის მონაცემებით, გასულ კვირაში დაინფიცირების ახალი შემთხვევების რიცხვმა 300 000-ს გადააჭარბა, ხოლო მარტის ბოლო კვირაში ეს მაჩვენებელი 264 675-ს შეადგენდა. ამასთან, ბოლო ორი კვირის განმავლობაში ევროპის ქვეყნების ნახევარზე მეტში შემთხვევათა 10 პროცენტზე მეტით ზრდა დაფიქსირდა.

„ევრონიუსის“ ინფორმაციით, ევროპაში კორონაირუსის 4.8 მილიონზე მეტი შემთხვევაა დღემდე გამოვლენილი, მათგან 226 500-ზე მეტი პაციენტი გარდაიცვალა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა