გასული დღე-ღამის განმავლობაში აზერბაიჯანში კორონავირუსის 119 ახალი შემთხვევა გამოვლინდა, 2 პაციენტი კი გარდაიცვალა. ამის შესახებ ინფორმაციას მინისტრთა კაბინეტთან არსებული ოპერატიული შტაბი ავრცელებს.

17 სექტემბრის მონაცემებით, აზერბაიჯანში კორონავირუსის სულ 38 777 შემთხვევა გამოვლინდა, მათგან 571 პაციენტი დაიღუპა, 36 289 პირი კი გამოჯანმრთელდა.

ამჟამად მკურნალობა 2 000-მდე პაციენტს უტარდება.