ის თავგაჩეჩილი, მართლა ნული, რომელსაც ცხოვრებაში ხალხის გაღიზიანების გარდა, არაფერი გაუკეთებია, ჩემზე ამბობს, რომ არარაობა და ნულიაო?!,- ამის შესახებ პარტია „მოქალაქეების" თავმჯდომარე ალეკო ელისაშვილმა განაცხადა, რითაც „ქართული ოცნების“ აღმასრულებელი მდივნის, ურმავლესობის წევრის ირაკლი კობახიძის განცხადებას გამოახმაურა, რომლის თანახმადაც „ელისაშვილი აბსოლუტური ნულია“.

როგორც მან "პალიტრანიუსის" გადაცემაში "360 გრადუსში" განაცხადა, ირაკლი კობახიძე არარაობაა.

„ის თავგაჩეჩილი, ეგ მართლა არარაობა და ნული, რომელსაც ცხოვრებაში ხალხის გაღიზიანების გარდა არაფერი გაუკეთებია და ეგ კაცი ჩემზე იძახის, რომ არარაობა და ნულიაო?! ძალიან მაინტერესებს დებატებში რატომ არ დადიან. ან სერგეენკო დამიჯდეს დებატებში, ან კობახიძე და ვის რა გაუკეთებია ვილაპარაკოთ.

კობახიძე სად იყო მე, რომ კორუფციისგან ვწმენდდი შეწყალების კომისიას. ისტორიულად კორუმპირებული უწყება გავწმინდე. ირაკლი კობახიძემ თავის თავს მიხედოს და სარკეში ჩაიხედოს“, - განაცხადა ალეკო ელისაშვილმა.

ცნობისთვის, ირაკლი კობახიძემ გადაცემა "360 გრადუსის" ერთ-ერთ ეთერში განაცხადა, რომ ალეკო ელისაშვილი არის აბსოლუტური ნული.

"არ შეიძლება, თავს დებდე ყარაჩოღელობაზე და იქცეოდე, როგორც კინტო - სერგეენკო და ელისაშვილი მაგალითია: აქეთ უზარმაზარი საქმეა, იქით სიცარიელე",- აღნიშნა კობახიძემ.