ბათუმში სამორინეების მეპატრონეებმა, ტურ-ოპერატორებმა და გიდებმა ევროპის მოედანზე საპროტესტო აქცია გამართეს. მათი განცხადებით, კორონავირუსის გამო დაზარალდნენ და მოითხოვენ, რომ საბანკო სესხების ჩამოწერა და გადავადება მოხდეს.
აქციის მონაწილეების თქმით, ერთჯერადი დახმარება საკმარისი არ არის და ოჯახებს ვერ არჩენენ.
შეკრებილები ხელისუფლებას დახმარებას სთხოვენ, წინააღმდეგ შემთხვევაში აქციებს აანონსებენ.
"როგორც კი პანდემია დაიწყო, დაიკეტა სამორინეები და მთავრობას არც დაინტერესებულა, 200 ლარით, როგორ შევძლებდით არსებობას. ბანკში სესხის გადავადებაზე პროცენტები დაგვირიცხეს. დაზარალებული ადამიანები ვართ, მთავარი მოთხოვნაა სესხების ჩამოწერა და ბანკებში სესხების გადავადება მოხდეს, რომ დამატებითი წნეხი არ შეგვექმნას",- აცხადებენ აქციის მონაწილეები