დონალდ ტრამპის საარჩევნო შტაბი ყოფილი მოდელის, ემი დორისის, ბრალდებებს უარყოფს, რომელიც პრეზიდენტს სექსუალურ ძალადობაში ადანაშაულებს.
„ბრალდებები სრული სიცრუეა. განვიხილავთ ყველა შესაძლო იურიდიულ საშუალებას, იმისთვის რომ Guardian-მა პასუხი აგოს ამ დაუსაბუთებელი ისტორიის გამოქვეყნებისთვის ”, - განაცხადა ტრამპის კამპანიის იურიდიულმა მრჩეველმა ჯენა ელისმა.
ცნობისათვის, გამოცემა Guardian-მა გამოაქვეყნა სტატია, სადაც ყოფილი მოდელი ემი დორისი აშშ-ის პრეზიდენტს დონალდ ტრამპს სექსუალურ ძალადობაში ადანაშაულებს. ქალი ამტკიცებს, რომ ტრამპმა მასზე 1997 წელს იძალადა, როდესაც ის ნიუ -იორკის უძრავი ქონების დეველოპერი იყო. ყოფილი მოდელის თქმით, შემთხვევა საჩოგბურთო ტურნე US Open-ის დროს მოხდა. Guardian-მა გამოაქვეყნა ყოფილი მოდელის მიერ წარდგენილი ექვსი ფოტო, რომელზეც ის და დონალდ ტრამპი ერთად არიან აღბეჭდილები, და ასევე, საჩოგბურთო ტურნირის ბილეთი.