დაბა ბაკურიანში კორონავირუსის გავრცელების პრევენციის მიზნით, სადეზინფექციო სამუშაოები ჩატარდა. როგორც „ინტერპრესნიუსს“ ბორჯომის მუნიციპალიტეტიდან აცნობეს, სპეციალური ხსნარით მოირეცხა საკარანტინო ზონების მიმდებარე ტერიტორია და დაბის ქუჩები.
მათი ცნობით, ბორჯომის მუნიციპალიტეტის მერიის დასუფთავების სამსახური სადეზინფექციო სამუშაოებს ყოველკვირეულ რეჟიმში ატარებს.
„სპეციალური ხსნარებით ირეცხება საავტომობილო გზები, საფეხმავლო ბილიკები,ასევე ბანკების, სასურსათო მარკეტების, ბენზინგასამართი სადგურებისა და სამედიცინო დაწესებულების მიმდებარე ტერიტორიები. დეზინფექცია უტარდება, მრავალბინიან საცხოვრებელ სახლებსა და მათ გარე სივრცეებს“,-აღნიშნულია ინფორმაციაში.