„ჯორჯიან უოთერ ენდ ფაუერი“, დედაქალაქის სტაბილური წყალმომარაგებისთვის, მნიშვნელოვან პროექტებზე მუშაობას ყველა რეკომენდაციის დაცვითა და გათვალისწინებით აგრძელებს,- ამის შესახებ „ინტერპრესნიუსს“ კომპანია „ჯორჯიან უოთერ ენდ ფაუერიდან“ აცნობეს.
მათი ინფორმაციით, კომპანია სამგორის რაიონში, არჩილ მეფის ქუჩაზე, წყალმომარაგების სისტემაზე სარეაბილიტაციო სამუშაოებს ახორციელებს.
„პროექტის ფარგლებში სრულად განახლდება ერთ კილომეტრამდე სიგრძის წყალმომარაგების ქსელი. ახალ ქსელზე ევროსტანდარტის ჩამკეტ-მარეგულირებელი ურდულები და საკვანძო ჭები მოეწყობა. აღნიშნული სამუშაოების შედეგად არჩილ მეფისა და ერეკლე მეორეს ქუჩის მოსახლეობას წყალმომარაგება გაუუმჯობესდება. ჯივიპი სარეაბილიტაციო პროექტში 140 ათასი ლარის ინვესტიციას ახორციელებს“,- აღნიშნულია ინფორმაციაში.