ბათუმის ინფექციურ საავადმყოფოში კორონავირუსით ინფიცირებული ბავშვების რაოდენობა გაიზარდა.
როგორც კლინიკის დირექტორი ციური აბულაძე აცხადებს, ინფიცირებულია 29 ბავშვი, მათ შორის ყველაზე პატარა 9 თვისაა.
ციური აბულაძის თქმით, მოზარდების ჯანმრთელობის მდგომარეობა დამაკმაყოფილებელია.
"ინფექციურ დეპარტამენტში 54 პაციენტია, აქედან 29 ბავშვია, პნევმონია აქვს 8 -ს. ბავშვების ჯანმრთელობის მდგომარეობა დამაკმაყოფილებელია, ორს პნევმონია აქვს მსუბუქი ფორმის. ინფიცირებული ერთი ბავში 9 თვისაა", - განაცხადა ციური აბულაძემ.
მისივე განცხადებით, ტუბერკულოზის განყოფილების ექიმის დაინფიცირების წყარო ქორწილის კლასტერს უკავშირდება, ხოლო დასუფთავების სამსახურის თანამშრომელს დადასტურებულ შემთხვევასთან ჰქონდა კონტაქტი.