საქართველოში, ბოლო 24 საათში, კორონავირუსით ინფიცირების 182 შემთხვევიდან ოთხი ფოთში დაფიქსირდა.

კოვიდ 19 დაუდგინდა ინფიცირებული შუახნის ქალის მეუღლეს და ასევე ერთ-ერთი ოჯახის სამ წევრს. საზოგადოებრივი ჯანდაცვის ადგილობრივი ცენტრის ინფორმაციით, მიმდინარეობს ეპიდემიოლოგიური კვლევა.

„დილის მონაცემებით, გვაქვს 4 დადასტურებული შემთხვევა. ინფიცირებულთა წყაროებიდან ერთი თბილისს უკავშირდება და მეორე ბათუმის კლასტერს. თვითიოზოლაციაში იმყოფება 43 ადამიანი, აქედან 2 არის საკარანტინო სივრცეში მოთავსებული. ველოდებით მონაცემების ცვალებადობას. ამ დროისთვის მდგომარეობა კონტროლირებადია და სტაბილური. ამ დროისთვის მიმდინარეობს კონტაქტების დადგენა და ტარდება სადეზინფექციო სამუშაოები,“ - განაცხადა ფოთის საზოგადოებრივი ჯანდაცვის ცენტრის საზოგადოებასთან ურთიერთობის სამსახურის მენეჯერმა, ნინო ლეფსაიამ.